тих о пиянице. Глас шестый.
Рече Господь к пиянице:
О, злый человече пияный, смрадный и окаянный и погубил еси святое Христово крещение како отрекохся сатаны и всех дел его а ныне вся его повеления исполняеши и праздники Христовы не почитаеши а злому и проклятому хмельному питию предаешися и безпамяти всякое зло дееши. О, человече, о беззакониче, воспомяни сие и но мысли како пияницы живут на сем свете наги и босы ходяща, гладу и мразу терпящее и без всякой почести на земле живущее тело бо их сотлеша и красота их помрачишася и ненавидеша пияницу земнии человецы аки зверя хищнаго и ангел хранитель вельми плачется и речет: О, человече, чего еси зачаел? По что не помянеши како имаши проити воздушныя мытарства злых и немилостивых предстоятелей? Не помогут ни друзи, ни приятели.
За малое время и беззаконное дело век имаши горести и во огни век. век бо сей маловременный невидимо пройдет, а муки не будет конца воспомяни сие и помысли како родихомся и возрастохом и состарехомся и бысть день рождения, день возрастания и день старости, а ты, человече, согрешаеши и како имаши предстати престолу Господню смрадный повелит бо тя изринути в пропасть глубокую и в муку вечную ей же несть конца Покайся человече и ко второму пришествию приготовляйся. Аз бо есмь Господь многомилостив кающегося приемлю и грядущаго ко Мне не иждену вон Царствие Мое неизглаголанное и мука Моя некончаемая яко силен и премудр Господь вовеки аминь.

Стих порицающий пьянство. Конец XIX — начало XX в. Художник П.Петухов. Из собрания Государственного Исторического музея